#eucocovitoria19 #SaharaLibre #PolisarioVencera

EUSKADI / VITORIA-GASTEIZ

Euskadi eta, zehazkiago, Gasteiz aukeratzeko arrazoiak asko dira.

Europa Biltzar Etxea (Vitoria-Gasteiz) 44. EUCOCO ´19 edizioaren egoitza

Aparteko lekua da, eta gainera, oso erosoa irisgarritasunari eta azpiegiturei dagokienez.

Elkarte solidarioen mugimendua indartsua eta agerikoa da; argi geratu zen aurreko EUCOCO baten antolakuntzan, eta berriro ere nabarmen geratuko da honakoa bezalako edizio berezi honen antolakuntzan ere. Aurtengoan ere, Eusko Legebiltzarreko Bakea eta Askatasuna Saharar Herriarentzat Taldeartekoaren babesa izango du; Garapenerako Lankidetzaren Euskal Agentziarena eta Euskal Fondoarena; baina bertako erakunderik garrantzitsuenen aldekotasuna ere izango dugula ez dugu zalantzarik: Vitoria-Gasteizko Udalarena eta Arabako Foru Aldundiarena.

Gasteiz hiriak beharrezkoak diren baldintza guztiak betetzen ditu EUCOCOren 44. edizioa hartzeko, eta nazioarteko ekitaldi garrantzitsu honek behar duen maila emango du; izan ere, 500 lagun baino gehiago espero dira bertan, Espainiako estatutik nahiz atzerritik etorriak.

Aurtengo Biltzarra bat dator Madrilgo legezkanpoko Akordioen 44. Urteurrenarekin; akordio horiek zirela bide, Espainiako Diktaduraren azkeneko gobernuak utzi eta traizionatu egin zuen Saharako Herria.

44 urteren ondoren, eta EUCOCO honen ostean, ziur gaude Gasteizko hiria goratu egingo dugula Saharako Herriaren ASKATASUNAREN eta INDEPENDENTZIAREN alde hartutako erabakiengatik, Nazioarteko Legeria eta Giza Eskubideak babesteagatik eta VITORIA-GASTEIZKO ADIERAZPENA sinatu izanagatik; bertan jasoko da Espainiako estatuak zor historiko, moral eta politikoa duela Saharako Herriarekin 1975. urteaz geroztik.

Hori dela eta eskatzen diogu euskal gizarte osoari, bertako erakunde eta instituzioei auren laguntza, EUCOCOren 44. edizio hau orain arte egin direnak baino garrantzitsuagoa izan dadin.Biltzarraren arrakasta hori gauzatzen laguntzen duten pertsona guztien arrakasta izango da, Justizian eta Askatasunean sinesten duten pertsona guztiena, Saharako Herriaren arrakasta.

Biltzarrak Nazioarteko Erkidegoaren ahaleginari erabakimenez laguntzea nahi dugu, gatazkari irtenbide baketsua eman diezaion eta Bake prozesuan mugarri garrantzitsua izan dadin.

Gasteiz topagune izan daiteke Mendebaldeko Saharako gatazkaren konponbidearen bilaketan; NBEren ebazpenek eta Nazioarteko Zuzenbideak xedatzen dutenari jarraikiz.BAKEA lortzeko eta bere lurrean duintasunez eta askatasunean bizi izatea merezi duen herri baten sufrimenduarekin amaitzeko aukera ere izan daiteke.

Saharako Herriaren LAGUN guztiak behar zaituztegu, zuen ideia politikoak zeinahi direla ere.

Zure elkartasun aktiboa behar dugu, eta azaroaren 22 eta 23an, Gasteizko EUROPA Biltzar Etxean (Gasteiz hiribidea, 85) egingo den Saharako Herriari Laguntzeko Europako Konferentzian parte hartzea.Saharako herriaren kausa zintzoak beti izan du euskal herritarren eta bertako instituzioen babes osoa.

44 igaro dira Hagako Justizia Epaitegiak ebazpena eman zuenetik (1975/10/16); 44 urte igaro dira “Martxa Berdea” egin zutenetik (1975/11/06); 44 urte igaro dira Marokok militarki okupatu zuenetik eta 44 urte igaro dira Espainiako estatuak Saharako Herria abandonatu zuenetik.

Bidegabekeriari, ilegaltasunari eta okupazioari amaiera eman eta historian beste bide bati ekiteko unea da; Espainiako estatuak dagokion erantzukizuna bere gain hartzeko unea da, eta ez du aurkituko horretarako Gasteizen egingo den EUCOCOren 44. Edizioa baino gune egokiagorik.

Elkartasun mugimenduak “Laneko egitasmoa” eta “Bide-orria” prestatu ditu 2019ako; urte berezia baita Saharako gatazkarako, hauteskunde-urtea izango da, eta Mendebaldeko Sahararen Deskolonizazioak berebiziko garrantzia izan behar du gutako bakoitzaren ekintzetan eta errebindikazioetan, eta gizartearekin ditugun harremanetan agerian egon behar du.

HARREMANETARAKO

  • 945 252 069 / 657 95 86 06
  • info@eucocovitoria2019.org

BULEGO TEKNIKOA

  • Pintor Jesus Apellaniz kalea, 9 – 01008 Vitoria-Gasteiz
Close Menu